I Fjelluft sin julekalendar vil eg vise smakebitar frå turar vi har tatt i 2019.
Kvar dag frå 1. desember - 24. desember viser eg eit nytt turmål frå året som har gått.
Det vert ikkje turskildringar, men har du spørsmål om turmåla, så ta gjerne kontakt.
Håpar julekalendaren kan inspirere til å planlegge fjellsesongen 2020!
Vi åpnar dagens luke:
Luke 8: Kjeragbolten - majesteten i Lysefjorden
 |
| Lysefjorden byr på mange naturperler - Kjeragbolten er ein av dei mest kjende. |
Kjeragplatået og Kjeragbolten treng vel knapt nok noko nærare presentasjon.
Ein av fleire turistattraktsjonar i Lysefjorden - ein noko meir krevjande tur enn Preikestolen, men ikkje meir enn at tusenvis av turistar tar turen dit kvart år.
Og turistane verka ikkje lettskremte -
Vi hadde "følgje" med ein gjeng blide japanesarar undervegs på vår tur.
Dei såg ikkje særleg fjellvante ut, men hadde kledd seg etter beste evne.
Ei dame gjekk i ein altfor stor parkas og eg mistenkte ho for å ha tatt mine kvite vintersko....
men kven andre enn ho kom fram til platået og hoppa opp på sjølve bolten som ho ikkje hadde gjort noko anna i heile sitt liv.....
høgdeskrekk eksisterer tydelegvis ikkje i hennar verd i alle fall!
Turomtale finn du også her på ut.no
 |
| Flott utsikt ned til Lysebotn undervesg på turen til Kjeragbolten |
 |
| Om lag midtvegs på turen er det sett opp ei naudbu. Turen går i krevjande terreng og skulle det kome regn og tett tåke, kan denne kome godt til nytte! |
Ingen kommentarer:
Legg inn en kommentar
Eg vert veldig glad om du har lyst til å leggje igjen ein kommentar når du har vore innom bloggen min! Og kom gjerne med spørsmål om turar og turmål :)!