 |
| Utsikt frå Dalegubben og ned att til Sæbø der vi starta. Slogen er den spisse toppen til venstre, Jakta er den høgaste toppen midt i biletet og Skårasalen den høge toppen heilt til høgre. Fjellperler på rekkje og rad med andre ord! |
Eg veit (eller håpar i alle fall....😉) at mannen min ville bli veldig lite begeistra om eg forelska meg i ein annan mann!
No er eg nok blitt det likevel.....
men akkurat for denne mannen trur eg faktisk eg får tilgjeving:
Det er nemleg sjølvaste D A L E G U B B E N!
D A L E GU B B E N er ikkje ein ordinær mann, men eit fjell på 1344 høgdemeter på Sunnmøre!
 |
| Valets kvaler - kva fjell skal vi gå? |
Å velje èin fjellfavoritt på Sunnmøre er vel som å leite etter nåla i høystakken - nærast umogeleg å finne/plukke ut! Sunnmøre er eit eldorado av fjell, og mange fjell får ein 10-ar for utsikta si. Men utan å ha gått altfor mange fjell på Sunnmøre (bucketlista er laaaang!), så trur eg nok uansett at Dalegubben vil vere ein av innartiarane! Berre høyr kva William Cecil Slingsby sa om utsikta:
«Utsynet var fullt på høgde med kva Slogen kunne by på, og større kompliment veit eg ikkje av».
 |
| Kartutsnitt frå ut.no - viser stien vi gjekk opp til Dalegubben |
Og googlar du Dalegubben, vil du finne fleire som uttalar at fjellet gjev den beste utsikta over Hjørundfjorden.
Likevel har fjellet stått i skyggen av meir kjende fjell som Slogen, Saksa og Skårasalen. Den handlar kanskje først og fremst om kor flinke ein har vore med å reklamere for og profilere fjella heller enn at dei byr på den beste utsikta. Men no har ivrige innbyggjarar på Sæbø gjort ein innsats for å marknadsføre Dalegubben som turmål, og i 2017 vart ei ny rås - ja, for på Sunnmøre heiter det rås og ikkje sti - opp til Dalegubben opna.
Nokre går på fjellet, andre køyrer kassebilløp:
Første delen av turen, har namnet Gunnarråsa. Den endar ved ein gapahuk kalla Fredbua der du kan ete nista di under tak om det regnar, ei disse der du kan nyte utsynet over Hjørundfjorden medan du svingar deg fram og tilbake, og ei hengekøye der du kan kvile slitne bein medan du framleis nyt utsikta innover fjorden! Gunnarråsa er i seg sjølv ein fin tur - ikkje minst for barnefamiliar.
Vidare held turen fram opp over Skondalen - dalen er lenger enn den ser ut som, men heile tida har du utsikt over Sæbø og Hjørundfjorden:
 |
| På veg oppover Skondalen - den spisse toppen midt i biletet er Dalegubben. Dit skal vi! |
Stien er godt merka. Når du omsider kjem opp i skaret, får du også utsikt utover fjorden og mot Ålesund.
Frå skaret og opp dei siste 50 høgdemeterane er det lett klyving og kan opplevast luftig. Dette kan by på utfordringar om du er litt høgderedd, men det var gode tak i fjellet og det var også lagt ut kjetting einskilde stader. Vi var litt spent på korleis det ville vere å gå med ungar opp dit - men vi opplevde det som veldig greitt (NB! det føreset at du har litt erfaring og sjølv føler deg trygg på høgdene).
 |
| I skaret kjem du opp til ei snøfonn. Går du opp på den, ser du rett ned i Hjørundfjorden. |
 |
| Siste partiet opp mot toppen - vi er klar for litt klyving. |
 |
| På toppen - Dalegubben ✔ |
Korte fakta om turen:
- Start v/ Kvievegen på Sæbø på Sunnmøre - rett ved badestranda (køyr til høgre dersom du kjem over med ferja).
- Lengd: 3,5 km
- Høgdemeter: ca. 1300 - det er bratt, men stig jamt oppover
- Lett klyving siste delen
- Lengd på Gunnarråsa: 1,5 km
Meir informasjon kan de finne på:
Morotur.no
www.hjorundfjord.no
 |
| Frå toppen ser du over til Ytre Trandal på andre sida av fjorden - "Der ingen skulle tru at nokon kunne bu" (klikk på teksten for å sjå NRK-episoden frå plassen) |
 |
| Frå toppen ser vi også rett bort på Sylvkallen - eit anna populært turmål. Og lengst der ute - Ålesund. |
 |
| Litt moro må vi ha på veg ned att også! |
 |
| Vel nede att på Sæbø, får vi studere dei flotte kassebilane som var med i Sæbø Grand Prix, medan vi skodar opp på det spisse fjellet "vårt" langt der oppe! |
 |
| Ein nydeleg dag på Hjørundfjorden. Fjellet Saksa rett bak ferja - der var vi med på Saksaløpet dagen i forvegen. Majestetiske Slogen ruvar til høgre i biletet. |
 |
| Dalegubben - I'm in love with you! 😍 |
hvor lang var det å gå til Gunnarråsa? skal ha med 3 små barn, så tenker å legge lista litt lavt..
SvarSlettDet er ca 1.5 km opp til gapahuken på Gunnarråsa og 370 høydemeter stigning. Tidsbruken vil variere ut i frå motivasjonen og alder på ungene, men 1,5 time er kanskje realistisk?
Slett1-1,5 time er nok grei tidsbruk for dei fleste.
SvarSlettHei alle sammen, mitt navn er Bohuslava Shevchenko og jeg vil dele mitt vitnesbyrd, jeg er en lykkelig gift kvinne med 2 vakre barn, på et bestemt tidspunkt begynte mannen min å oppføre seg rart for meg, det begynte litt etter litt, vi kjemper og krangle nesten hele tiden og til slutt forlot han meg for en annen kvinne fordi han ikke lenger føler noen kjærlighet til meg, jeg ble forlatt med våre 2 barn, han kommer nesten ikke til huset, men for kjærligheten jeg hadde til ham, ville jeg For ikke å la ham gå, måtte jeg diskutere problemet mitt med en venn av meg og foreslo at jeg heller skulle kontakte en trylleformler, som kunne hjelpe meg å fortrylle for å bringe ham tilbake, men jeg er typen som aldri trodde på trylleformularen. støping. Jeg hadde ikke noe annet valg enn å prøve.
SvarSlettJeg gjorde alt jeg ble bedt om å gjøre, og etter en tid begynte alt å fungere bra igjen, mannen min kom tilbake til huset, ba meg og barna om unnskyldning, og vi lever alle lykkelige sammen nå, jeg kan ikke takk til Dr. Nosa Ugo som hjalp meg med å gjenopplive min familie. du kan kontakte ham gjennom hans
E-post: karnataka.temple@gmail.com
Kontakt ham for alle slags åndelige problemer og se det store arbeidet.