Ikkje sauesanking, men fjelltoppsanking!

Tidleg morgon på Kvannebakkbu (1520 moh) i Jølster - ei av mange flotte opplevingar siste tida!

Skal ærleg innrømme at det er relativt stille på bloggen for tida 

- og nei; det skuldast IKKJE mangelen på turar.....

heller tvert om! 

Skulle nesten tru at vi etterkvart hadde brukt opp kvoten vår med godvèr i 2014, 

men det ser heldigvis ikkje slik ut! 

Vi har nokre fantastiske haustdagar med flotte temperaturar, 

og no når naturen glitrar med dei vakraste haustfargane, 

prøver vi å nytte alle sjanstar til å kome oss på tur!

Med stor turaktivitet, jobb, familie, hus og heim, 

så blir det rett og slett ikkje tid til å blogge om turane! 

Men det kjem ein lang vinter med mørke haustkveldar

- då kan vi ta att det tapte! 

Sjølv om vi ikkje rekk å skrive dei omfattande turskildringane nett no, 

må vi berre vise litt av det som har skjedd siste veka...

- vi må neste klipe oss i armen for å skjøne at det faktisk er sant! 

(og for dei som lurer: Nei, vi har ikkje begge vore på alle turane - nokre kvar for oss, og nokre i lag).

Togga (1205 moh) i Sogndal:

Jobbreise til Sogndal vart kombinert med ein førstebestigning på Togga (1205 moh) på veg heim att. Anestølen nede til høgre. 

Utsikt til Laugavatnet på vegen mot Togga

Og ikkje minst: på veg til Togga har du flott utsikt nedover Sogndalsdalen

Kvannebakkbu (1520 moh) i Stardalen, Jølster:

Vi kom opp til Kvannebakkbu (1520 moh) ein kveld i full tåke.
Med 10-15 meter sikt var GPS'en god å ha!

Ikkje desto mindre var det då fantastisk å vakne opp på Kvannebakkbu og sjå soloppgang og skyfri himmel!
Magisk!

Bjørgja (1551 moh) i Stardalen, Jølster:

Då vi returnerte frå Kvannebakkbu, tok vi turen opp på Bjørgja (1551 moh) - toppen rett over snøen midt i biletet.
Dalbotnen vert kalla for Rambjørgebotnen.

Frå Bjørgja ser du vide omkring - Snønipa i snøen rett til venstre for varden.

Botnafjellet (1572 moh) i Gloppen:

Og så var det nokon som fekk oppleve Botnafjellet (1572 moh) ved Breimsvatnet i Gloppen

Grettene i Fjærland: 

Til sist eit lite turfølgje som fekk med seg Grettene i Fjærland og litt til.... Her frå Heimstagretta (1494 moh)

Heimstagretta (1494 moh) i Fjærland

Blei du inspirert til å kome deg ut på tur?
Det er berre å nyte haustvèret - no er naturen på sitt vakraste!