torsdag 15. mai 2014

Tvers over Reksta i Flora



Vi er på veg ned frå Harefjellet mot Rognaldsvåg. Øya Kinn rett foran oss. 

Flora turlag arrangerer mange flotte ettermiddagsturar, 
faktisk to gongar i veka. 
Vi heiv oss med på onsdagstur til øya Reksta. 
Turen kan oppsummerast med to ord: 
Utruleg flott!!!

Strålande sol kompenserte for ein litt vindfull tur, 
men noko anna kan vi ikkje rekne med når vi er i havgapet. 

Vi vandra over heile Reksta: 
frå Selvåg i aust til Rognaldsvåg i vest. 
Tre toppar var vi oppom på vegen: 
Storlifjellet, Vasslifjellet og Harefjellet. 
Harefjellet var den høgste på 220 moh. 
På veg ned frå Vasslifjellet ser vi ned mot gravplassen på Reksta. 

Vel framme i Rognaldsvågen hadde butikken ope, 
og kunne varte opp med vaflar og kaffi m.m. 

Maaaaaange bilete vart tatt undervegs,
så vi kjem tilbake med god og fyldig turskildring. 
Denne turen anbefalar vi gjerne til andre! 

Og mens de ventar på vårt innlegg, 
kan de ta turen innom Reksta sine Origo-sider for å lese og sjå meir frå turen. 

Øya Store Batalden følgde oss på store delar av turen. Det er også ein tur vi kan anbefale. 

Mot sør lyste Den Norske Hesten - Alden - mot oss heile vegen. Her på siste toppen - Harefjellet. Det blas friskt!

I fjor fekk vi også med oss ein av øyturane til Flora turlag. 
Då var vi på Askrova - den kan du lese om her.

Flora turlag har mange flotte veketurar,
både tysdagar og onsdagar.
Oversikt over turane for 2014 finn du her.

2 kommentarer:

  1. Det er så artig å få bli med på turene dine! Vakker natur og flotte bilder som vanlig! Det er blitt mange aktive turlag rundt omkring i landet. Kjekt å være med på fellestur.
    Gleder meg til fyldigere reportasje.....

    God 17. mai fra Ingunn

    SvarSlett
  2. Einig med ho over, det er veldig kjekt å få vere med på turane dine gjennom bloggen! :) Du tar mange flotte bilete, men dette siste var slåande vakkert!

    SvarSlett

Eg vert veldig glad om du har lyst til å leggje igjen ein kommentar når du har vore innom bloggen min! Og kom gjerne med spørsmål om turar og turmål :)!