lørdag 21. desember 2013

Solsnu - Juletrehogst og bålkos i Jonstadlia

Steffen Ben  bloggar:

Då er dagen komen - den vi alle lengtar mot. 

For i dag ser vi med eitt livet i eit nytt, og lysare perspektiv.
Det er SOLSNU - kl 18.11 i dag --for å vere presis.  Solsnu - dagen som ber lovnad om lys, er komen. 

Og, alt i god tid før klokka var 18.11 denne laurdagen, kunne tre generasjonar glede seg over, også i år, å ha gjennomført dette høgtidssame ritualet, med skogstur og felles hyggje til Jonstadlia i Naustdal.

For opp i skogen her, høgt over Naustdal, fekk vesle Bendik Matias og storesyster Sanna Oliva i dag velje seg, og sage ned eit juletre som er "berre mitt" - foreldra og besteforeldra "sine" juletre, likeså. I år - som i fjor - og åra før det att. Tradisjonen tru!


Lite var det likevel som minte om direkte Julekortstemning i Jonstadlia i år; så og seie heilt snøfritt, 5 grader + og vinddrag gjorde at dei store granene rundt oss sang Julesangar i dur og moll. Men lite snø på greinene, gjorde det desto lettare å finne nett dèt juletreet ein syntest såg finast ut: Det med tettast greiner, med minst krokut stamme, og rett årsvekst.

Etterpå - når juletrea var komne av stuen og dratt til rettes, var det tid for å sette seg ned og nyte roen rundt bålet vi laga til, og hadde fin bålkos: Varm drikke og grilling av pølser og tilbehør måtte òg til. Også det tradisjonen tru. Jammen heldt regnbygene seg vekke når vi satt rundt bålet òg (og nett det, er kanskje ikkje tradisjonen tru!, den siste tida friskt i mente).

Tenk, eitt år sidan sist vi sat rundt bålet her, med fin-fin utsikt ned til Naustdal sentrum og Førdefjorden. Det fin-finaste av alt er likevel å tenkje på:  


At, framleis har vi heile Jula fram føre oss.  Måtte det bli mange små koseturar, her og der.. Men no er det berre 20 minuttar til solsnu - så då skundar eg meg å trykkje på Publish-knappen, og vi er på internettet... 

God førjuls-laurdagskveld..

2 kommentarer:

  1. Koselig innlegg! Kjekt at vi går lysere tider i møte.

    God jul til deg og dine!

    Juleklem fra Ingunn

    SvarSlett
  2. Koselig å samle familien sånn :)) Det er det man kaller gode minner og juleglede, om enn snøen har tatt sommerferie :-/

    God jul til dokke alle sammen! :)

    SvarSlett

Eg vert veldig glad om du har lyst til å leggje igjen ein kommentar når du har vore innom bloggen min! Og kom gjerne med spørsmål om turar og turmål :)!