mandag 6. mai 2013

JA til Jølster friluftsfestival!

Bilete henta frå www.frifestival.no
I helga vart Jølster friluftsfestival arrangert for aller første gong. Vèrgudane hadde ikkje tenkt å vere spesielt snille denne helga - og det set sitt preg på eit slik arrangement der hovudaktivitetane foregår ute og gjerne høgt til fjells. Men det tok ikkje gneisten av arrangørane - og det meste vart gjennomført likevel!

Dessverre var ikkje deltakinga like høg på alle aktivitetane, og noko vart avlyst av den grunn. Men heile 80 turborevvener var samla til tur i Støfringsdalen på laurdagen og til utekos i Fjordamattunet. Også skihopping i Kjøsnesfjorden samla mange - både deltakarar og tilskodarar. I tillegg til toppturar på ski, kunne du delta på kajakk-kurs, rafting, klatring for små og store, bakekurs med Kari Støfringsdal, speidarcamp, toving av sitjeunderlag, paintball og spennande foredrag. Så her var det mykje mogelegheitar for heile familien. Alt saman sett i gong av nokre lokale eldsjeler! Festivalleiar Janne Eikås uttalte følgjande til avisa FIRDA (klikk for å lese meir i artikkelen):
"Det viktigaste er å auke interessa for naturen Jølster og områda rundt. Alle aktivitetane har vore ein suksess og eg trur dei som vegra seg for å bli med angrar no når dei ser kor fint det var", fortel festivalsjefen med eit smil.

Sjølv fekk vi med oss nokre av foredraga som foregjekk i Borgja på Ålhus. Vi hadde planlagt å dra heile familien på foredrag til Joachim Vie om barn på tur, men på grunn av ein småsjuk mini i heimen, så reiste berre Steffen på dette. Laurdag fekk derimot både Steffen og eg høyre foredraget til Inger Lise Innerdal og Otto Teksum Lund som nett har gjeve ut boka "Norges beste toppturer".



Sidan 2006 har dei gått på alle kommunetoppane i Noreg, og i tillegg har dei også gått på 400 øytoppar (alle over 100 meter) langs Norgeskysten. Det er ganske imponerande å gjennomføre eit slikt prosjekt - det krev enormt med tid og planlegging, og ikkje minst motivasjon til å stå løpet ut. Inger Lise og Otto solgte signerte bøker under festivalen, og vi var nær ved å kjøpe, men sidan vi allereie har ei bok i bestilling, så lot vi det vere. Så har vi noko å gle oss til i tida framover!!! Eg har med vilje ikkje bladd for mykje i boka enda - vil at den skal vere mest mogeleg "urørt" når eg sit med den i hendene: gler meg til å sjå kva toppar dei har valt ut som sine favorittar, om det er nokon av toppane vi allereie har vore på og ikkje minst fylle på lista vår over toppar vi har lyst å gå på!

All honnør til eldsjelene bak Jølster friluftsfestival for eit flott arrangement! Og eit lite hjartesukk til alle dei som ikkje deltok på festivalen. Det hadde vore plass til mange fleire under foredraga på Borgja - her burde det vore fleire både frå lokalmiljøet og ikkje minst i frå Sunnfjord generelt. Men har inntrykk av at det var mange som ikkje heilt var klar over festivalen, og vi sunnfjordingar er jo generelt sett litt treige av oss før vi hiv oss med på noko:  Den sunnfjordske halvtimen er viden kjent - "vi må berre ete fyst!". 

Håpar dette blir eit årvisst arrangement. Vi kjem i alle fall til å delta neste gong - og då også vere med på nokre av uteaktivitetane (- så sant alle mann i heimen er friske og raske!) :)

(og så håpar eg at DU no har notert deg nettsida til festivalen, og gjer deg klar til å vere med neste år du også!)

Flott biletserie frå festivalen, finn du her

4 kommentarer:

  1. Flott tiltak! Jeg har lest og sett bilder. Artig!
    Spennende bok!

    Ha en fin mandag!

    Klem fra Ingunn

    SvarSlett
  2. Ukjent festival, har ikke hørt om den faktisk! Nå har vi hatt mye på "taperen" i det siste og turer i møkkavær har ikke vært i fokus. Kanskje jeg rett og slett ikke har enste reklamen? Satser på at det blir flere, høres kjekt ut!

    Innlegget ditt 1. mai minner meg om fjorårets tur samme dag. En fantastisk tur på Hatlesetnipa i strålendes sol og varme. Ikke helt det samme været i år :) Ser frem til bedre vær og turer nå. Dere har vært spreke og flinke vinteren gjennom. Imponert!

    Nyt uka!

    SvarSlett
  3. Satsar på at festivalen blir arrangert til neste år også. Må innrømme at eg ikkje var klar over den før den var ferdig..... Men hadde vore veldig kjekt å få den med seg neste gang:)

    SvarSlett
  4. Hei Liv Janne. Fikk et tips om bloggen din fra Janne E. Tuuuusen takk for god omtale av oss og boka. Regner med at du nå har lest den, og håper du ble fornøyd. Vi er i gang med neste bok og freser landet rundt på jakt etter nye fantastiske turer. Vi kommer nok på besøk neste gang festivalen går av stabelen. Kanskje vi treffes da. Ta en titt på tinderogtopper.com.
    God luftig helg fra Otto Og Inger Lise

    SvarSlett

Eg vert veldig glad om du har lyst til å leggje igjen ein kommentar når du har vore innom bloggen min! Og kom gjerne med spørsmål om turar og turmål :)!