På ski til Klungeren (817 moh)!

På ski mot Klungeren (817 moh)

Jaudå, du las riktig - eg (denne gongen: VI) har vore på ski igjen! Denne gongen utanfor preparerte løyper, men likevel på ein svært populær skitur. Eg har vore på ski på Klungeren tidlegare - for maaaange år sidan - men første gong eg har gått frå der vi var i dag.

Sol frå skyfri himmel, flott landskap og vi var faktisk heilt åleine.......... SKIGLEDE :) :)

Flott utsikt mot Storehesten og Heilebergmassivet på store delar av turen opp til Klungeren!

Vi var faktisk overraska over at vi ikkje møtte nokon andre på turen, for vanlegvis så er det mykje folk som går her. Og med dette været - i sjølvaste vinterferien!!!! Frå våre barndoms dagar minnast vi at alle familiar med respekt for seg sjølv, gjekk på påsketur på Klungeren!  ;)

Kanskje trur folk at det ikkje er godt nok skiføre for tida? Men det var det absolutt: skare snø i nedre del, men veldig fint lenger oppe der det var kome eit par centimeter nysnø. Det var faktisk lite snø på toppen - den har blæse av, og vi var nesten ned på berget fleire plassar. Jammen godt vi ikkje datt på vegen ned att!

(For øvrig så høyrde vi rykter om at det var enormt med folk på Langeland i dag)

Fødd med ski på beina? :)

Skispor

Vakker utsikt frå varden på Klungeren!!!

Majestetiske Storehesten - eit syn som er like flott kvar gong!

Litt korte turfakta:
Vi starta i Masdalsgjerdet i Sundsdalen i Førde. Sjølv om vi ikkje var særleg kjende med ruta, var det fleire skispor å følgje, så vi fann lett vegen til topps. Terrenget stiger jamt og trutt oppover, og passeleg slakt å renne ned igjen.

Samla stigning ca. 400 høgdemeter, og lengde 9,5 km t/r.

2 kartutsnitt over området som viser kor turen er:

Vi køyrde opp til Masdalsgjerdet og starta turen der. Det er også mogeleg å gå frå Skilbrei eller Skudalen/Foss i Gaular

Eit nærare kartutsnitt som viser korleis terrenget er