mandag 3. desember 2012

Ulltangstølen

I går, søndag, fekk eg meg ein rask tur på Ulltangstølen. Det var 8 minusgrader, men det var friskt og deilig å gå. Vi har eit fantastisk vær for tida - og vi er også godt nøgde med at snøen manglar enn så lenge. Kvit rimfrost på marka er snø godt nok :)

Turen til Ulltangstølen er ein lett og fin rundtur som du gjer unna på 50 - 60 min samla sett i rask gange. Turomtale finn du i dette innlegget frå Ulltangstølen i april-12. Det fine med Ulltangstølen er at du i starten av turen, har flott utsikt innover fjorden mot Førde sentrum, og at du ser "alle" Førdefjella når du er på sjølve stølen.

Eg hadde ikkje med kamera på tur, så det blei nokre enkle bilete på mitt dårlege mobilkamera - har skjønt at HTC'en min ikkje kan måle seg mot Steffen sin Samsung Galaxy III når det gjeld fotokvalitet - så ja, ein slik ein står absolutt på ynskjelista..... :) Men vi får vel vente til behovet for ny mobil melde seg - enn så lenge så fungerer den greitt nok til alt anna eg brukar den til! Uansett, her eg nokre stemningsbilete frå ein kald vintertur:
Sol på Førdsnipa

Postkasse med bok i, og flott sitjebenk å slappe av på!

Eg og Bendik Matias var der forrige gang i april-12
Ulltangstølen blir brukt som trimpost for dei som bur i nærområdet, og det er truleg utdeling av premiar til aktive turgåarar på hausten. Som de ser, så skriv dei fleste seg inn med berre fornamnet, så dette er nok for dei lokale bebuarane på Ulltang :) Men det hindrar ikkje oss andre sporadiske turgåarar å skrive oss inn i boka! Denne gongen såg det ut som opptellinga av turgåarar var gjort i starten av november -12, og den som hadde flest turar hadde gått der heile 144 gonger i løpet av eit år. Slett ikkje verst!

4 kommentarer:

  1. Her var det mye fint. Ser fram til framtidige!

    SvarSlett
    Svar
    1. Takk for det- og kjekt at du har lagt deg til som følgjar:)

      Slett
  2. Denne kommentaren har blitt fjernet av forfatteren.

    SvarSlett
  3. Flotte bilder fra turen. Ikke dum den der som en frisk hverdagstur! Sliter med samme problem som deg, mobilen min tar ikke noe videre gode bilder (HTC), så kameraet mitt må med.

    Flott tur og bilder likevel, Liv Janne! Tusen hjertelig takk for den fine bloggomtalen også ;) Vet du - til og med samboer'n min satt seg godt ned vel og lenge med vinnerboka, så du skal bare se at NESTE år blir det tur på han også, thi-hi!

    Nyt vinter'n og det flotte været uten snøen, sånt kan vi like :D
    Eli Kristin

    SvarSlett

Eg vert veldig glad om du har lyst til å leggje igjen ein kommentar når du har vore innom bloggen min! Og kom gjerne med spørsmål om turar og turmål :)!