fredag 21. desember 2012

Senk julestresset ved å kome deg ut i naturen!

No i desse førjulstider er det mange som hevar skuldrane og lar stresset innhente oss. Juleførebuingar, juleavslutningar og forventningar til at alt skal vere "perfekt" gjer at trening og friluftsliv gjerne blir nedprioritert til fordel for husvask, kakebakst og sosiale tilstellingar. Og det er kanskje ikkje så lurt? Ikkje overraskande har svenske forskarar no funne ut at:

Ein gåtur i skogen gjer deg rolegare, gladare og meir klartenkt!


Og dette veit dei fleste av oss, men likevel er det så lett at det ikkje blir. Når det i tillegg er temperaturar på rundt 10 minusgrader, så er det så altfor lett å halde seg heime i godstolen med pleddet og kaffikoppen! og sjokoladen....!

Men om du treng motivasjon til å kome deg ut i naturen, så kan eg her ramse opp mange positive helseeffektar av å vere ute i naturen:

  • redusert stress
  • mindre aggresjon
  • lågare blodtrykk og puls
  • auka kreativitet 
  • betre konsentrasjon
  • mindre kroppsleg smerte
  • betre søvn
Meir om den svenske studien, kan du lese her.

Her i huset går vi inn i siste adventshelga med skuldrane seinka. Juletreet er pynta, alle pakkar er kjøpt og pakka inn (hjelpe meg så lang tid det tar å pakke inn pakkar.....). Men for å vere på den sikre sida i forhold til å redusere stressnivået, så blir det etter planen ein fjelltur i morgon! :)

Og er du ikkje klar til jul, så bør du i alle fall kome deg ut i naturen for å kople av litt! Då skal du sjå at du gjer unna dei siste juleførebuingane i ein fei etterpå :)

2 kommentarer:

  1. Du har så rett... Det blir fort litt stress før jul og da er det utrolig deilig å kunne roe ned litt ute i naturen. Vi har også planer om å komme oss ut på tur i morgen og bare nyte de siste dagene før jul ♥ Ha en fin og avslappende adventshelg du og :-)

    SvarSlett
  2. Kloke ord. Kjenner meg igjen vedr prioriteringer. Et av mine mål for helsa er å prioritere uteliv over gjøremål. Kjenner det er litt vanskelig av og til nå, men jeg har fått en ny sjansen og kroppen trenger det. Så da så. Godt å lese slike innlegg uansett - trenger en påminnelse alle og enhver av og til ^_^

    SvarSlett

Eg vert veldig glad om du har lyst til å leggje igjen ein kommentar når du har vore innom bloggen min! Og kom gjerne med spørsmål om turar og turmål :)!