For eit par dagar sidan fekk eg telefon frå NRK Sogn og Fjordane. Dei ville lage ein reportasje om at det truleg er hoggormår i år, og hadde sett på bloggen min at eg allereie hadde møtt to hoggormar i år. Derfor lurte dei på om eg kunne vere med i ein reportasje om dette på lokalnyhetene. Eg er ikkje spesielt medievant og synast det er litt skummelt å vere med på direktesendingar, men eg likar jo også litt utfordringar i kvardagen.... så derfor sa eg ja til det. Kl. 08.00 var eg på plass på Soleide på Vie (i Førde) i lag med ein reporter frå NRK Sogn og Fjordane for å leite etter hoggorm..... det var jo lite truleg at vi ville sjå nokon så tidleg på morgonen, men ein liten reportasje vart det i alle fall. Utdrag frå denne er også lagt ut på nettsidene, så den kan du lese her.
Ingen kommentarer:
Legg inn en kommentar
Eg vert veldig glad om du har lyst til å leggje igjen ein kommentar når du har vore innom bloggen min! Og kom gjerne med spørsmål om turar og turmål :)!