søndag 29. april 2012

Fossen - denne gong i Vadheim!


Nok ein søndag med strålande vær! Då må vi sjølvsagt ut på tur - og sidan vi har heile dagen disponibelt, så er det artig å ta seg tid til å oppsøkje nye turmål. Eigentleg så hadde vi planar om eit fjell i Lavik-området, men då vi passerte Vadheim såg vi at sola skein flott inn i ein dal som vi har hatt planar om å oppsøkje. Så då var det ingen grunn til å køyre lenger!

Dermed fekk vi vårt første besøk på "Fossen gard" i Vadheim. Vi har jo oppsøkt Fossengarden i Erdalen fleire gonger, men denne gongen var det altså ein anna Fossengard! Denne har vi blitt anbefalt av fleire.

Slik kjem du til Fossen gard:
Snart oppe på høgste høgda!
Frå Vadheim sentrum køyrer du i retning Høyanger, og tar opp til venstre i siste byggjefeltet før tunellen. På toppen av bakken der Frank'en held til (gravferdsbyrå og taxi), ved ein trafostasjon, står det skilta til Fossen. Du kan parkere på ein stor grusplass midt i byggjefeltet, og derifrå er det ca. 100 meter opp til trafostasjonen. Frå skiltet går det tydeleg sti oppover langs med elva, og vegen gir deretter seg sjølv. Stien er brei og tydeleg, så du kan ikkje gå feil. Kraftlinjene følgjer deg dessutan heile vegen. Det stig ganske bratt oppover eit stykke, før det flatar ut eit stykkje, til du igjen startar på ei bratt stigning. Ved høgste høgda er det postkasse med bok i. Du kan rekne 30-45 minutt opp hit. Frå postkassa og innover dalen er det ca. 5 minutt å gå før du er inne ved sjølve garden.

Tørr sti heile vegen opp til høgda, men noko blaut myr inn til sjølve garden. Truleg er det ikkje lenge sidan snøen forsvann herifrå, så eg vil tru det er litt tørrare om du går seinare på sommaren.




Kartutsnitt frå turen til Fossen (kart frå ut.no)

Oversiktskart over turmålet (kart frå ut.no)

Det står ikkje bygningsmasse på garden i dag, men mange murar vitnar om at det har vore fleire hus/bygningar her tidlegare. Det skal vere svært fint å gå vidare innover dalen også, men det gjorde vi ikkje i dag. Truleg vil det også vere fint å gå opp på hogda og utover Vadheimsfjorden mot Klævold. Det er i alle fall noko vi kan tenkje oss å gjere ein gong.

Restar frå ei svunna tid!
Det er mange fine plassar ved murrestane der det går an å setje seg ned for å ete nista si. Vi prøvde å finne litt ly for vinden, og sat heilt nede ved elva. Det var ekstra kjekt for dei to små, som kosa seg med å hive strå ut i vatnet.

Fleire andre turgåarar var ute i det fine været - truleg mest lokale folk (også her) sidan dei berre skreiv seg inn med fornamn i turboka ;).

For oss var dette eit nytt og ukjent terreng, men som vi gjerne kjem til å ferdast i også seinare. Og likar du å gå på stader der det er godt tilrettelagt sti, så er dette ein plass å oppsøkje!

5 kommentarer:

  1. Kjekt å oppsøke nye turer! Ser ut som dere har hatt en herlig dag :D

    SvarSlett
  2. Så flott å se noen gå tur til Fossen. Min morfar, Sigurd Eldegard har vokst opp der. Og var å besøkte han i går på sykehjemmet, han er blir 95 år nå i Juni. han har malt flere bilder fra Fossen slik det så ut på begynnelsen av 1900 tallet. Og vi satt og snakket om bildene og geitene og livet på Fossen.

    Håper selv å få gått opp til Fossen med mine barn.

    SvarSlett
  3. Så hyggjeleg å høyre frå deg - din morfar har sikkert mange gode minner derifrå! Skulle gjerne ha sett tilbake i fortida - var nok eit yrande liv ein gong i tida.

    SvarSlett
  4. Savner turer til fossen! Var der mykje gjennom heile oppveksten :)

    SvarSlett
    Svar
    1. Det er tydeleg at det er mange som har gode minner frå den staden, ja :). Så flott at du kommenterer!

      Slett

Eg vert veldig glad om du har lyst til å leggje igjen ein kommentar når du har vore innom bloggen min! Og kom gjerne med spørsmål om turar og turmål :)!