søndag 29. januar 2012

Kjøsnesåsen - ein tur i nærområdet

Kartutsnitt frå ut.no: Kysnesåsen i Dalsfjorden mellom Hellevik og Fure
Vi kan ikkje klage på været denne hyttehelga i slutten av januar 2012: Søndag morgon vakna vi til skyfri himmel og lite vind. Derav også påfølgande kaldare nattetemperatur, men etterkvart som sola kom fram, så vart det litt meir varme i lufta. Vi kan ikkje skryte på oss at vi gjekk nokon stortur denne dagen, men vi fekk oss ei NY turoppleving - ein jomfrutur - heilt i nærområdet av hytta. Det er nesten utruleg at Steffen, som har tilbrakt atskilleg tid på hytta heilt sidan 1970-talet, ikkje har vore her tidlegare. Men slik er det ofte: ein oppsøkjer nye og "ukjende" plassar, gjerne langt avgarde og så gløymer ein mogelegheitane som ligg "rett utanfor stoveglaset". Når det er sagt: så speidar vi jo gjerne etter litt høgare toppar enn denne - Kjøsnesåsen med sine 89 moh!

Det er Mari, søstra til Steffen, som har gjort oss merksam på at det går ein godt trakka sti opp til toppen. Og når vi visste omtrent kor startpunktet skulle vere, så var det å følgje litt med i veggrøfta til vi fann stien. Ein flott trimtur - spesielt med nærare 20 kg på ryggen - og absolutt ein tur vi kjem til å gå fleire gonger når vi skal ha oss ein rask tur.

Og det var ingenting å seie på utsikta frå desse 89 høgdemeterane over havet:
Utsikt mot Alden og Skredvarden på Atløy

Utsikt mot fjella på nordsida av Dalsfjorden

Vi ser føre oss at dette kan bli eit mykje brukt turmål når ungane no blir så store at dei skal gå litt sjølv. Og motivasjonsfaktoren med postkasse og turbok, finn du også her:)
Ein liten digresjon:
Vi seier "Kjøsneset" (som det står på vegskiltet) og dermed også "Kjøsnesåsen", men på kartet står det "Kysneset". På boka på toppen, er den omtala som "Storåsen" - som truleg er eit lokalt namn.
 
Joda, vi kosar oss på tur - både stor og liten!

3 kommentarer:

  1. Denne kommentaren har blitt fjernet av forfatteren.

    SvarSlett
  2. Dere er så flinke til å komme dere ut på forskjellige turmål! Artig med de små som koser seg like mye som de store :)

    Takker for turtips - og den nrkserien må vi få med oss også.

    Ønsker deg en flott onsdag. Her sitter jeg klar til å stikke på Brandsøyåsen straks klokka viser 16 idag, thi-hi. Ikke like fin himmel som i går, men det er godt å komme seg ut og lufte seg uansett!

    SvarSlett
  3. Det er sant at det er ikkje nødvendigvis at det er den lengste turane som er dei beste:) Ein tur utanfor stovedøra er ofte veldig bra. Skal hugse denne turen. Er dessutan veldig kjekt der ute, kan ofte gå på beina når vi må gå på ski i Førde:)

    SvarSlett

Eg vert veldig glad om du har lyst til å leggje igjen ein kommentar når du har vore innom bloggen min! Og kom gjerne med spørsmål om turar og turmål :)!