Flott utsikt på vegen til nokre av Sunnfjords vakraste fjell: Storehesten og Blegja. Framleis mykje snø på toppane!
Endeleg ein dag med litt smak av sommar - delvis skya med sol og temperaturar som nærma seg 20 grader:). Sidan vi ikkje har for mange av desse dagane for tida, fann eg ut at eg måtte nytt sjansen til å ta meg ein lang og flott tur med vesle Bendik Matias. Vi har brukt ein del bæresele den siste tida, men i dag ville eg heller prøve meg på ein trilletur, som både kunne vere ei god trimøkt, men som samtidig også var ein fjelltur. Då falt valet på Sundsdalen i Førde, og trille skogsvegen opp forbi Ullebuststølen og vidare til Kvanndalen og Hagestølen. Eg har trilla denne turen ein gong tidlegare.
Det er bomveg, så det er også mogeleg å køyre nesten heilt opp til Kvanndalen, men det blir jo ikkje den same trimmen av det. Men vegen har i alle fall god standard, så det er uproblematisk å trille heile vegen. Her får du brynt deg på nokre solide motbakkar, men det er også litt flatare parti innimellom, slik at du får høve til å hente igjen litt pust og krefter!
Ullebuststølen kan skimtast oppå haugen
Første stølen du passerer, er Ullebuststølen (etter ca. 25 minutt). Eit lite stykke etter denne stølen, går det ein skogsveg til høgre. Denne går til Masdalsstølen. Så om du ikkje orkar dei siste lange motbakkane opp til Kvanndalen, kan du gå inn til desse stølane i staden.
Ein stad midt på biletet, ligg Masdalsstølen:
Etter ein times effektiv gange er du framme i Kvanndalen (540 moh). Du kan også gå eit stykke vidare innover dalen heilt inn til Hagestølen, (620 moh), ca. 30 minutts gange. Eg var ikkje heilt inn dit i dag, men gjekk eit stykke innover. Kvanndalen.
Vel framme i Kvanndalen.
Kameraet var dessverre ikkje med på tur i dag, så bileta er tatt med min HTC Desire S
Turfakta:
På vegen mellom Førde og Moskog, tek du av til høgre ved skilt merka Sundsdalen. Ved Ullebust tek ein inn på bomveg som går til venstre. Eg parkerte her og trilla vidare. Men du kan gjerne køyre fram til bommen rett før Kvanndalsstølen. Derifrå er det slakk veg vidare som er lett og gå både med barnevogn og for små føter som skal på tur. Inn til Hagestølen er det 2,5 km.
Tur i Kvanndalen er også omtala i boka "Gå sjøl" av Jorunn Liv Kleiven, Selja Forlag (2009).
Tusen takk for det Liv Janne:) du har en utrolig flott turblogg:) flott å kunne dele inspirajon og turgleder:))
SvarSlettVi bloggest:))
Så kjekt med kommentar fra deg. Ser ut som du har hatt en flott trilletur i vår nydelige natur :)
SvarSlettVi er ikkje bortskjemte med fint vær i Norge, men vi må jo bare ut.
Ja sant det var deilig vær den dagen! :D Bare å komme seg ut, hi-hi!
SvarSlettTror du har vært overalt i disse trakter, jmf kommentaren hos meg :D Det var flott å gå der, ikke noe tungt - men litt overgrodd enkelte plasser. Gode fjellstøvler er viktig, så det var litt kjedelig.. men men, får se på sakene og finne noen skikkelige neste gang :D Ut på tur må man, så da skal det ikke være fottøyet det skal stå på ;)
Flott trilletur det her og minsten liker seg godt ser det ut til :D Vokser til hos deg også, he-he!
Ha en fin dag! :)