onsdag 16. september 2009

Botnavatnet og Botnastølen - kombinert trille- og bæreseletur

15.09.09: Den tredje dagen på rad med nesten opphaldsvær, måtte også nyttast til tur. Vi inviterte med oss eit vennepar til ein liten kombinert trille- og bæreseletur.

Vi køyrde inst i Angedalen i Førde kommune for å ta turen til Botnavatnet (412 moh). Vi parkerte på parkeringsplassen rett før dei siste gardane, men det er mogeleg å køyre eit stykke innover på grusvegen mot Botnavatnet. Vegen er i god stand, så her er det heilt uproblematisk å trille med barnevogn. Det er lett stigning/"flat" veg hele vegen, bortsett frå at det er ein lang, bratt bakke rett før ein kjem opp til vatnet. Men det er berre bra å få løyst sveitten litt!

Her er vi vel framme ved Botnavatnet med barnevognene våre:


Flott tur å gå for småbarnsfamiliar, og fin stad for både bading og fisking.

Botnastølen ligg på andre sida av vatnet. Det går ikkje veg heilt inn, så vi måtte fram med bæreselane. Det er ikkje lange stykket å gå, og det er vel verdt å ta turen vidare inn mot stølane. For dei som har lyst og mogelegheit til å ta ein skikkeleg fjelltur, så er fjella innerst i Angedalen litt trolske og både Solegladnipa (1213 moh), Syskarnipa (1282 moh) og Isvassbotn (910 moh) er vel verdt eit besøk. Derifrå er heller ikkje vegen lang over til Ålhusdalen i Jølster.

Familiekos på Botnastølen:

1 kommentar:

  1. Så artig å komme over en turblogg. Veldig kjekt å se bilder fra naturen og turene dine.

    Ha en fin søndag

    SvarSlett

Eg vert veldig glad om du har lyst til å leggje igjen ein kommentar når du har vore innom bloggen min! Og kom gjerne med spørsmål om turar og turmål :)!