Preikestolen er den store turistmagneten med 80 000 besøkande kvart år. Sjølv om det kanskje er heilt i starten av storsesongen, så var det bra stor utfart denne dagen med flotte vertilhøve. Parkeringsplassen ved startpunktet ved Preikestolhytta var bra full. Vi fekk nok litt 17-mai-tog kjensle, og det var ikkje alltid like lett å kome seg fram. Som norske fjellvandrarar var vi høveleg utstyrt for fjelltur, men det var jammen mange utlendingar som slett ikkje var i den kategorien: småsko, kvite bukser, utan mat eller drikke og slett ikkje vane med å gå i ulendt terreng. Du blir førespegla at turen tar 2 timar, men då har du romsleg med tid og nesten før du anar det, er du framme. Terrenget er lettgått med mykje berg og steinar, og over myrane er det laga gangbruer av tre. Det er å anbefale å gå vidare opp på toppane ovanfor Preikestolen. Då få du flott utsikt ned på Preikestolen, samt enda flottare utsikt innover Lysefjorden.
Ingen kommentarer:
Legg inn en kommentar
Eg vert veldig glad om du har lyst til å leggje igjen ein kommentar når du har vore innom bloggen min! Og kom gjerne med spørsmål om turar og turmål :)!