tirsdag 22. mai 2012

Kveldstur på Erdalsstølen


ENDELEG har vi ein smak av sol og sommar igjen! Sidan den flotte 1. mai - dagen, har vi hatt alle årstider på ein gong! Men no har vi nokre lovande dagar foran oss (og bak oss)! Helga vart tilbrakt i Dalsfjorden, og fine turar både laurdag og søndag. Rapport frå desse kjem i løpet av veka ;)

Etter årets første middag på verandaen, og avslapping nokre timar i sola, fekk eg meg ein liten kveldsfjelltur, og årets første til Erdalsstølen. Eg har tidlegare skrive om turar til Erdalsstølen:
Juni 2008, Juli 2009 og Juni 2011. Det fine med turen hit, er at det er kveldssol relativt lenge på store delar av turen, så det gjer ingenting om du går litt ut på kvelden (om du ynskjer å gå i sola...).



Slik kjem du til Erdalsstølen:
Erdalen ligg på rv. 5 mellom Førde og Naustdal. Du tar av opp i Erdalssdalen (2 km) og køyrer til enden av vegen. Der er det god parkering. Du går forbi siste huset, og held fram på skogsveg heilt til stølen. Den gamle stien til støls er også tydeleg, og denne kvelden valte eg å gå den opp, men kom inn att på skogsvegen eit stykke lenger opp då det var for mykje vatn i elva til å kome seg over utan å bli våt. Ned att sprang eg heile skogsvegen. Sjå innteikna rute på kartet over (klikk på bilete for å få det større).
Tidsbruk: 30-45 min ein veg om du er van med å gå - ca. 1 time i rolegare tempo.

Eg kan for øvrig også anbefale turen til Kvinesstølen - Klopstadstølen og over til Rotnesstølen og ned att til Fossengarden (sjå kartet). Stort sett grei og tydeleg sti heile vegen, og ein fin rundtur.


"Baksida" av Førdsnipa - framleis litt snø der, ja!


Takka vere 2 slike bruer, treng vi ikkje lenger ta av oss skoa for å vasse over ved høg vannstand. Det er det som regel tidleg på året når det er god snøsmelting:

1 kommentar:

  1. Fine bilder! Godt å komme seg ut alene og kjøre på i sitt eget tempo etter innfallsmetoden! :D

    Fortsatt fin turuke, lover bra med mye sol på himmelen! Tror forresten at det blir fint lite lesing denne uken for min del, fikk helt andre planer :D

    SvarSlett

Eg vert veldig glad om du har lyst til å leggje igjen ein kommentar når du har vore innom bloggen min! Og kom gjerne med spørsmål om turar og turmål :)!