Erdalsstølen er ein fin ettermiddagstur når tida er knapp og du vil nyte sola lengst mogeleg. Det er skogsveg heile vegen opp, og eignar seg godt for å gå i raskt tempo om du ynskjer å få opp kondisjonen. Vi var på veg opp også tidleg i mai, men då vart det for mykje snø på slutten. Men med dei temperaturane som har vore, så har snøen smelta raskt. Dette førte også til at vi måtte ta av oss skoa for å krysse siste elva over til stølen. Det var rett og slett iskaldt, og det gjorde vondt i beina då vi kom på land. Ansiktsuttrykket mitt på biletet, talar sitt tydeleg språk!
På sjølve stølen var sola gått ned, men ho lyste framleis over Førdsnipa.
Og som gode radioamatørar, har vi nesten alltid med oss portabelt radioutstyr på tur. Steffen - med kallesignal LA4YPA - har fått kontakt over repeateren på Hafstadfjellet.
Ingen kommentarer:
Legg inn en kommentar
Eg vert veldig glad om du har lyst til å leggje igjen ein kommentar når du har vore innom bloggen min! Og kom gjerne med spørsmål om turar og turmål :)!